BIN ABBAS (rta) Yace; Annabi Suleiman (As) ya kasan ce Kullum yana shiga BAITUL-MUKADDAS da kayan abincinsa dana sha, bai da aikinyi a ciki sai Bautar Allah (swt).
Kullum Annabi Suleiman ya shiga BAITUL-MUKADDIS, sai yaga wani abin mamaki, abin mamakin kuwa, duk lokacin da ya wayi gari a cikin Wannan Masallachin, sai yaga wata Bishiya ta fito, duk lokacin da wannan bishiya ta fito, sai shi kuma ya tambaye ta, shin ko me yasa ta fito? Kuma menene amfanin ta? To idan yaji bata da wani amfani sai ya cire ta, idan kuwa yaji tana da amfani sai yasa a cire ta a dasa a wani wuri, idan kuwa yaji ta maganice sai ya sa a rubuta irin maganin da take a bar ta a wurin.
Wata Rana yana Sallah sai wata bishiya ta tsiro a gaban sa bayan ya gama sallah sai ya tambaye ta? Sai tace Sunan ta kHARNUBATU, sai yace saboda me aka tsirar da ke? Sai tace, saboda rushe Wannan Masallachin, sai yace, ai Allah bazai rushe wannan Masallachi ba matukar ina raye, ke dai kina so ki nuna min cewa qarshen Rayuwa ta ne ya zo, sai ya cire ta ya dasa ta a wani kango, sannan ya ce; YA ALLAH INA ROKONKA KA MAKANTAR DA ALJANNU KADA SUGA MUTUWA TA, DAN MUTANE SUSAN CEWA ALJANNU BASUSAN GAIBU BA, DOMIN SUNA GAYAWA MUTANE CEWA SUN SAN GAIBU, HAR SUNA CEWA SUN SAN ABINDA ZAI FARU GOBE.
Sai Annabi Suleiman (As) ya tashi ya shiga cikin wajen da yake ibada, ya fara salla yana dogare da sandarsa, sai Allah (swt) ya dauki Ransa a wannan hali, Sai da Annabi Suleiman (As) ya shekara a macce, babu wani shaidani da ya san halin da yake ciki.
Shine fadin Allah (swt) a cikin Qur'ani; YAYIN DA MUKA HUKUNTA MUTUWA GA ANNABI SULEIMAN YA ZAMA YANA DOGARE AKAN SANDARSA, SHEKARA GUDA ALJANNU SUNA TA AIKACE-AIKACE MASU WUYA, BASU SAN YA MUTU BA, HAR SAI DA GARA TA CINYE SANDARSA YA FADI YANA MATACCE, LOKACINDA YA FADI YANA MATACCE SAI ALJANNU SUKA TABBATA CEWA SU DA SUNKASANCE SUN SAN GAIBU, DA BASU ZAMA A CIKIN WAHALA MAI WULAQANTARWA BA. (Suratul saba'I )
Dama kafin Annabi Suleiman (As) ya shiga wajen ibada sai da ya saka Aljannu aiki, wasu share-share wasu dibar zinari da a zurfa, da sauran ayukkan da yake saka su.
KU DUBA FA BABANSA ANNABI NE KA KANSA ANNABI NE SHIMA ANNABI NE.
KU DUBA FA DUKA-DUKA SHEKARA 53 YAYI A DUNIYA SHE KARUN MULKIN SA KUWA SHEKARA 40 YAYI A SAMAN MULKI.
KU DUBA FA ALLAH YA BASHI MULKI DA HIKIMA YANA DAN SHEKARA GOMA SHA UKKU, domin yana dan shekara sha uku Annabi Dawud (As) ya taba yin shari'a yace ba haka ya kamata ayi ta ba aka umurce shi da yayi shari'ar da kuma yayi shari'ar tayi dai-dai.
KU DUBA FA SHI DUNIYA GABA DAYAN TA YA MULKA.
KU DUBA FA IRIN YANDA YAKE SON TALAKKAWA HAR YA KASANCE YANA ZAMA CIKIN SU, suna Fira.
KU DUBA FA IRIN BAIWA DA KUMA ABUBUWAN DA AKA HORE MASA,
Yana umurtar Iska ta kai shi duk in da yake buqata, itace matsayin dawaki, mota, rakumin sa.
KU DUBA IRIN KARFIN MULKIN SA, ALLAH YA HORE MASA MAYAQA KUSAN MILION DARI,
Kashi ashirin da biyar (25) mutane ne, kashi ashirin da biyar(25) daga ciki Aljannu ne, kashi Ashirin da biyar (25) kwarine, kashi Ashirin da biyar (25) tsuntsayene.
KU DUBA IRIN BAIWAR DA ALLAH YA BASHI YANA JIN MAGANAR KO WANE TSUNTSU DA DABBA.
KU DUBA FA IRIN QARFI, DA IZZAR DA ALLAH (swt) YA BASHI MALA'IKA AKA BASHI DUK ALJANIN DA YA SA AIKI IDAN ALJANIN YAQI YI KO YA SABA MASA MALA'IKA YAYI MASA BULALA.
AMMA DUK WAYANNAN ABUBUWAN BASU SA AMBAR SHI A DUNIYA BA SAI DA YA MUTU KUMA A MIZANE GUDA ZA'A YI AWON LADARMU DA ZUNUBBAN MU.
Ya Allah kasa mu mutu muna masu Imani, kasa muyi Qarshe mai kyau ka sa Aljanna ta zamo makomar mu. ~Zauren fatawa
No comments:
Post a Comment