KABARI LAMBUNE DAGA ALJANNAH KO KUMA RAMI DAGA JAHANNAMA

Ba wani yini da zai shude,face kabari ya yi shela, ya ce, 'Ni ne gida na daji, ni ne gidan kadaici, ni ne gidan tsutsotsi da ƙwari.'

Yayin da aka binne mumini a cikin ƙabari, ƙabarin zai yi misa maraba, yana cewa, 'Maraba da zuwan ka nan, ka kyauta da ka zo nan. A cikin dukkan masu tafiya bisa bayan ƙasa, kai ne na fi so. A yanzu da aka kawo ka zuwa gare ni. za ka ga mafi kyawun hali na'

Daga nan sai ƙabari ya yi fadi, kwatankwacin iyakar ganin mutum, sai a bude kofar Aljannah a cikin sa. Ta cikin wannan kofar, iska mai kanshin turaren Aljannah za ta dinga zuwa gareshi.'

Amma idan aka binne kafiri ko mai ƙetare iyakokin Allah Ta'ala, ƙabari zai ce, 'Ba na maraba da zuwan ka nan, kuma zuwan ka abin kyama ne. Da ba ka zo nan ba, da ya fi maka. Daga cikin dukkan masu tafiya a bisa doron ƙasa, kai ne na fi ƙi. A halin yanzu an kawo ka zuwa gare ni, kuma za ka ga irin aiki na'

Daga nan sai ya matse shi da tsakanin gaske, har sai hakarƙarinsa sun sarke da juna kamar yadda yatsun hannuwa biyu suke kurɗawa a tsakanin juna. Daga nan sai a sako masa kumurci casa'in ko casa'in da tara, za su ci gaba da yagar sa har zuwa tashin Alkiyamah.

Da daya daga cikin kumurcin zai huro dafin sa a bisa doron ƙasa, da ba wata ciyawa da za ta sake tsiro wa a kanta, har tashin Alkiyamah. Daga nan sai Manzon Allah (S.A.Ws) ya ci gaba da cewa, 'Ƙabari lambu ne daga Aljannah ko kuma rami daga Jhannama.

Ya Allah ka kare mu daga azabtar Kabari kasa Aljannar Firdausi itace makomarmu. Ãmīn ya Qādiyal Hājah~ ahmadmusainc.blogspot.com