SAI ANNABI DAWUD (As) YACE; WALLAHI SUN ISHE NI.

Annabi Dawuda (As) Ya kasance Yanada masu gadinsa sun kai kimanin DUBU talatin 30,000.

Yana da wata Mata a gidan sa mai lura da duk wani abu da yake kai kawo a cikin gidan, kuma ita ce take kulle dukkan kofofin Gidan idan dare yayi, Sannan Sai ta kaiwa Annabi Dawud (AS) Makullan, sai itama ta je ta kwanta.

Wata Rana bayan ta gama aikinta zata tafi ta kwanta, sai kawai taga Wani Mutum a cikin takiyar gidan, tana ganin sa sai tace da shi, KAI WANNAN BAWAN ALLAH MAI YA KAWO KA NAN GIDAN? BA KA SAN CEWA SHI MAI GIDANNAN YANA DA TSANANIN KISHI BA, DON HAKA KAYI MAZA KA BAR WANNAN GIDA.

Yana jin haka sai yace mata; NINE NAKE SHIGA CIKIN GIDAJEN MASU MULKI BA TARE DA NEMAN IZNIN SU BA, to a lokacin da suke Wannan Magana Annabi DAWUD (As) yana tsaye yana Salla jin haka sai ya firgita ya daka tar da Sallar yace wa Wannan Matar ta shigo da shi wajensa.

To da suka Shiga Sai Annabi Dawud (As) yace da shi, MAI YA SHIGO DA KAI WANNAN GIDAN A WANNAN LOKACI BA TARE DA NEMAN IZNI BA? Sai Yace wa Annabi Dawud (As); NINE MAI SHIGA GIDAN MASU MULKI BA TARE DA WANI NEMAN IZNI BA, da Annabi Dawud (As) yaji haka Sai Yace masa, ko kaine MALA'IKAN MUTUWA? Sai Yace wa Annabi Dawud (As) Na'am, Sai Annabi Dawud (As) Yace Masa Shin kazo ZIYARA ko DAUKAR RAI? Sai Yace wa Annabi Dawud (As) nazo DAUKAR RAI ne.

Da Annabi Dawud (As) Yaji haka sai yace masa, MAI YASA BAKA SANAR DANI TUN KAFIN WANNAN LOKACI BA DOMIN IN SHIRYA? Sai Yacewa Annabi Dawud (As) Wanne Tunasar da kai Zanyi bayan duk ga alamominan da suka wuce, sai Annabi Dawud (As) yace masa Wace tunasarwa ka aiko kafin kazo? Sai Mala'ikan Mutuwa Yace masa; YA DAWUD INA MAHAIFINKA ISHA, INA MAHAIFIYARKA, INA 'YAN UWANKA, INA MAKOFTANKA, INA ABOKANKA WANE DA WANE? Sai Annabi Dawud (As) Yace duk Sun MUTU, Sai Mala'ikan Mutuwa yace masa, to duk wadannan basu isheka tunasarwa ba?

Sai Annabi Dawud (As) Yace; Wallahi sun Ishe NI.

KU DUBA FA TSAWON MULKIN ANNABI DAWUD (AS) SHEKARA ARBA'IN YANA SARAUTA KUMA SHI ANNABI NE.

KU DUBA FA IRIN DADIN MURYAR DA ALLAH (swt) YABAWA ANNABI DAWUD (AS) WANDA BAI TABA BAWA WANI DAGA CIKIN HALITTUNSA BA, Akan Dadin Muryarsa Idan Yana karatun ZABBURA Dadin MuryarSa tana sa Wanda ya Suma ya farfado da ga Suman da yake.

KU DUBA FA DAGA CIKIN BAIWAR DA ALLAH YA YI MASA YANA DA WATA SARKA DOMIN YA GANE MAI GASKIYA DA MAI QARYA A LOKACIN SHARI'A

KU DUBA FA IRIN IBADAR SA YAKANYI AZUMI YAYI YAU GOBE BAI YI HAKA YAKE KULLUM, SANNAN DAREN SA IDAN YA YI BACCI RABI YAYI IBADA A RABI.

KU DUBA FA IRIN KARFIN DA ALLAH (SWT) YA BAWA MULKINSA BABU WATA KASA DA ZAI TUNKARA BA TARE DA YACI TA DA YAQI BA.

Ya Allah kasa Idan tamu tazo ta Riskimu muna masu Imani kuma ka sa Aljanna ta zamo makomar mu a gobe Qiyama. ~Zauren Fatawa