TAKAITACCEN TARIHIN YAREN LARABCI

TAKAITACCEN TARIHIN YAREN LARABCI

Babu shakka cewa yare yana daga cikin abubuwan da ke tsayar da Al’umma ya kuma bunkasa ta. Haka kuma kowace al’umma tana samun cigaba ne da bunkasa gwargwadon yadda yarenta ke samun cigaba.

Tarihi ya nuna cewa yaren Larabci yana daga cikin dadaddun yarukka, kuma shi ne mafi girmansu ga daraja, mafi kyawonsu ga tsari, kuma mafificinsu ga daukaka.

An yi sabani mai yawa dangane da wanda ya fara Magana da yaren Larabci. Wasu malamai na ganin cewa Ya’arib ne ya fara Magana da yaren, wasu kuma na ganin Annabi Isma’il (A.S) dan Annabi Ibrahim (A.S) ne ya fara Magana da yaren. A yayin da wasu ke ganin Annabi Adam (A.S) ne.