TARIHIN ANNABI SULAIMAN(A.S)...4..

     Sannan Dan Futuhawaihi ya bada labari da isnadinsa daga Muhammad
d'an ka'ab cewa, Annabi sulaiman(A.S)yana da askarawa sun kai farsakhi d'ari 100,ishirin da biyar daga cikin na mutane ne, ishirin da biyar kuma na aljanu ne, ishirin da biyar kuma na 'kwari ne, ishirin da biyar kuma na tsuntsaye ne, yana kuma da gidage guda dubu 1000 na 'kawahir, acikin gidajan akwai gado d'ari uku 300 da mata d'ari bakwai 700, yana umar tar iska ta d'auke shi tayi yawo dashi, sai rannan yana yawo a tsakanin sama da 'kasa, sai Allah(S.W.T)ya yi masa wahayi da cewa:-
           HA'KI'KA NA 'KARA MAKA ACIKIN MULKINKA DA CEWA BABU WANDA ZAI YI MAGANA DAGA HALITTU DA WANI ABU FACE SAI ISKA TA ZO MAKA DA SHI TA BAKA LABARI.
       Yana daga cikin horewar da Allah(S.W.T)ya yiwa Annabi sulaiman(A.S) sanar da shi zancen tsuntsaye, kamar yadda Allah yake fad'a cewa:-
       DA FAD'AN ANNABI SULAIMAN(A.S) "YA KU MUTANE AN SANAR DA MU NAGANAR TSUNTSAYE." suratun namli.
         Dan Futuhawaihi yace da isnadinsa daga d'an ka'ab, idan DAWISU yayi kuka a gaban Annabi sulaiman(A.S)sai yace kun san abinda yake cewa? sai suka ce a'a yace ai cewa yake , kamar yadda kayi haka za'ayi maka.
      Alhuda-huda ma dayayi kuka sai Annabi sulaiman(A.S)yace kun san abinda yake fad'a?sai sukace a'a sai yace da su cewa yake yi, duk wanda bai jin 'kai ba, to shima ba za'a ji 'kan saba.
    kurciya ma tayi kuka sai Annabi sulaiman(A.S)ya ce kun san abinda take cewa? sai sukace a'a, sai yace ai cewa take yi, tsarki ya tabbata ga Ubangiji mad'aukaki cikin samansa, da kuma cikin'kasan sa.
      kwado shi ma cewa yake yi SUBHANA RABBIYAL 'KUDDUSU, tsarki ya tabbata ga Ubangiji mai tsarki.
       Manzon Allah(S.A.W) ya ce :-idan zakara yayi cara cewa yake yi(UZKURULLAHA YA GAFILUN)ma'ana ku ambaci Ubangiji ya ku marafkana.
      Annabi sulaiman(A.S)yaci gaba da gaya musu cewa idan DAI'DAWI yayi kuka to cewa yake yi, ko wane rayayye matacce ne, kuma ko wane sabo tsoho ne.
     Annabi sulaiman(A.S)yaci gaba da fassara musu kukan tsuntsaye kala-kala, daga ciki akwai wanda yake cewa ku nemi gafara ya ku masu zunubi, akwai mai cewa ku gabatar da Alkhairi domin zaku sameshi, akwai mai cewa, kaicon wanda duniya ta zama abar bakin cikinsa, akwai mai cewa Mulkin Ubangiji ya daidaita, akwai mai cewa tsarki ua tabbata ga abin ambato a kowane guri, da dai sauransu domin kowace irin hakitta ka gani to akwai manufar halittar ta a wajan Ubangiji, kuma zamu iya lura da cewa duk sauran hilittun Ubangiji ashe suna yiwa 'Dan Adam gargad'ine da kuma tunatarwa akan MAHALICCI ALLAH.
zanci gaba insha Allahu..

asha ruwa lpy.