TARIHIN ANNABI SULAIMAN(A.S)....3..

 Allah Ubangiji(S.W.T)ya ce:-(KUMA SULAIMAN YA GAJI DAUDA)suratun namli.
    Abin nufi anan shine ya gaji Annabtar sa, da hikimar sa, da ilmin sa, Duk da cewa Annabi Dauda(A.S)yana da 'ya'ya goma sha tara(19).
      MU'KATIL yace:- Annabi sulaiman(A.S)ya kasance akan mulki mafi girma ga na mahaifinsa Annabi Dauda(A.S)da kuma iya hukunci, shi dai Annabi Dauda(A.S)ya kasance mai yawan ibada ne akan d'ansa Annabi sulaiman(A.S), kuma Allah (S.W.T)ya bashi mulki da hikima yana 'Dan shekara goma sha uku(13),Shima yana daga cikin mutum hud'u wad'anda suka mulki duniya gaba d'aya.
     Annabi sulaiman(A.S)ya kasance fari kuma mai jiki mai haske,kuma kyakkyawa, mai yawan gashi,yana sa fararen tufafi, kuma ya kasance mai yawan tsoran Allah(S.W.T) kuma mai tawadhi'u yana cud'anya da miskinai, kuma yana zama dasu, yana cewa miskini ya zauna da maikinai.
       Mahaifinsa Annabi Dauda(A.S)ya kasance yana shawara da shi a lokacin mulkinsa akan al'amura masu yawa, duk da cewa 'karami mai 'kananan shekaru, amma yana da cikakkyan hankali da ilmi.
          Allah Ubangiji(S.W.T)ya ke'benci Annabin sa Annabi sulaiman(A.S)da wasu darajoji da kuma kyaututtuka na baiwa, Ubangiji yana cewa:-
(HAKIKA MUN BAI WA DAUDA DA SULAIMAN ILMI, KUMA SUKA CE GODIYA TA TABBATA GA ALLAH,WANDA YA FIFI TA MU AKAN MAFI YAWA DAGA BAYINSA MUMINAI.)suratun namli;
     Kuma Ubangiji ya fad'a acikin Al'kur'ani mai girma tana mai bada labari akan Annabi sulaiman(A.S):-
YACE"YA UBANGIJI:KA GAFARTA MINI, KUMA KA BANI MULKI WANDA BAI KAMATA GA KOWA BA BAYANA".
"LALLAI KAI NE MAI YAWUN KYAUTA".
      Annabi sulaiman(A.S)yayi wannan addu'a ne Domin kada wani yayi alfahari da sarauta a bayansa, Ya halaka kuma ya halakar da wani,saboda sarauta itace asalin girman kai da alfahari.
      sai Allah ya amsa addu'ar sa ya kuma girmamashi da wasu abubuwa wanda Allah bai ta'ba horewa wani su ba, daga cikin hakittar sa ba kafin Annabi sulaiman(A.S)daga cikin hotewar da Allah(S.W.T)yayi masa daga iska, Ubangiji mad'aukakin sarki yana cewa:-
"SABODA HAKA MUKA HORE MASA ISKA TANA GUDU DA UMARNINSA, TANA TASHI DA SAUKI,INDA YA NUFA."Suratu..
       Malamai suka ce an hore masa iska a matsayin dawakan da ya yanka domin Allah, Saboda Annabi sulaiman(A.S)ya yanka dawakan ne saboda kallonsu ya hana shi sallah, wacce ita sallar farillace ta dole a kansa, amma tattalin kayan ya'ki farillace ta wani zai iya d'aukewa wani.
    sannan kuma an hore masa Aljanu domin niyyarsa ta samun 'ya'ya masu jihadi domin Allah.
     Malam muhammad Dan Is'hak yace, Annabi sulaiman(A.S)ya kasance mutum ne mai yawan ya'ki Baya iya zama ba tare da ana gwabza ya'ki ba,dan baya iya jin d'uriyar wani sarki a sassan duniya,face sai ya ya'ke shi, kuma ya nuna masa karfin mulki sa, Ya kasance idan yayi nufin ya'ki yana sa askarawansa su 'kera masa wani abu kamar girji na katako sannan sai a d'ora masa gadonsa akai sannan duk sauran jama'a da dabbobi su hau a kuma zuba kayan ya'ki kala-kala akai, bayan an gama shirya komai sai ya umarci iska ta d'aukeshi zuwa inda ya nufa,  an ce suna yin tafiyar wata a yammaci d'aya, kuma suna yin tafiyar wata a safiya d'aya, tana tana tafiya da shi duk inda ya so, shine fad'in Ubangiji(S.W.T):-
"KUMA GA SULAIMAN, MUN HORE MASA ISKA,TAFIYARTA TA SAFIYA DAIDAI DA WATA,KUMA TA YAMMA DAIDAI DA WATA."Suratu sabi'i.

......Zanci gaba insha Allahu

JUMA@ KAREEM..
 RAMADHAN KAREEM..

MUNSHA RUWA LAFIYA.