TARIHIN ANNABI SULAIMAN(A.S)...2

Sai Annabi Dauda(A.S)ya tashi ya hau kan mumbari ya yiwa Allah(S.W.T)godiya yayi yabo agareshi, sannan yace Allah(S.W.T)ya umarce ni da in khakifantar muku da Annabi sulaiman(A.S), sai Banu isra'ila suka fusata suka ce wannan yaron mai 'Karancin shekaru za'a khakifantar mana al hali a cikinmu akwai wad'anda suka fishi d'aukaka da ilmi?
        sai Annabi Dauda(A.S)yaji abinda suke fad'a sai ya kirawo manya-manyansu yace dasu naji abinda kuke fad'a, To amma kowa ya zo min da sandar sa duk wanda sandar sa tayi tsiro to shine zai zama khakifa a bayana, sai sukace sun yadda, sai kowa yaje ya kawo sandar sa, sai Annabi Dauda(A.S)yace kowa ya rubuta sunan sa a jikin sandar sa, sai duk suka rubuta sunayansa.
     sai Annabi sulaiman(A,S)ya zo da sandar sa ya rubuta sunansa shima a jikin ta, sai aka sa sandunan ackin wani d'aki aka kulle 'kofar aka datse da mukulli, aka kuma sa masu dagi daga cikin manyan shuwagaban nin su.
      Bayan asuba tayi Annabi Dauda(A,S)yayi sallar Asuba da su, Gari kuma ya waye, sai aka bud'e wannan d'akin aka fito da wad'annan sanduna kamar yadda suke, Amma sandar Annabi sulaiman(A,S)sai  akaga tuni tayi ganye kuma tayi 'ya'ya.
     sai sukace kai mun mi'kawa Annabi Dauda(A,S) wannan al'amarin, Da Annabi Dauda(A,S)sai ya godewa Allah(S.W.T,) sai ya d'ora Annabi sulaiman(A.S)a kusa da shi, sai yace da Bani isra'ila wannan shine khalifanku a baya na.
     Wahabu d'an munabbahu yace:- lokacin da Annabi Dauda(A.S)ya khalifantar da d'ansa Annabi sulaiman(A.S)ya yi masa wa'azi da cewa:-
            Ya kai 'karamin 'Da na kashedinka da fushi, domin fushi yana wulakanta ma'abocin sa, sannan kaji tsoran Allah(S.W.T)da kuma biyayya a gareshi,domin suna rinjayar ko wane irin abu ne, kada kuma ka yawaita kishi ga mutananka ba tare da wani abu ba,Domin hakan yana gadar da mummunan zato ga mutane koda kuwa ku'butattune, ka yanke kwad'ayi ga abin hannun mutane , Domin hakan wadata ce, kuma kada ka yi kwad'ayi domin shi talauci ne mahalarci, kuma kashedinka da fad'ar abinda zai yi maka wahalar cikawa da kuma abinda zai yi maka wahalar aikatawa, ka kuma tsaida kanka da harshen ka akan gaskiya, ka kuma lazamci kyautatawa, idan kuma kana da ikon Alkhairinka na yau zaifi na yau zaifi na jiya to ka aikata, ka kuma yi sallah irin sallar mai ban kwana, kamar bazaka kai gobe ba, kada kuma ka zauna da wawaye,kada kuma ka gayawa malami mummunar magana, kada kuma kayi jayayya da shi akan addani,idan kuma kayi fushi to ka zauna, kuma ka canja guri, ka 'kaunaci rahamar Ubangiji, domin rahamar Ubangiji ta yalwaci komai.
        sannan ance lokacin da aka khalifantar da Annabi sulaiman(A.S)sai ya 'Boye al'amuran sa, ya kuma auri wata mace, ya kuma 'Buya ga mutane, ya fuskanci ilmi da kuma ibada, wata rana wannan matar tasa take cewa bata taba ganin mutum mai kyawun d'abi'u irin saba, kuma mai dad'in 'kamshi ba........

zanci gaba insha Allah

musha ruwa lpy..