SABON SALO DA MASU GARKUWA DA MUTANE KEYI GURIN AMSAR KUDI

SABON SALO DA MASU GARKUWA DA MUTANE KEYI GURIN AMSAR KUDI

"Jama'a ga wata matsala babba da take faruwa, wani aboki nah yake sanar dani wannan labari, kuma wannan labari da gaske ne.
Wasu mutane sun zo wajen wani mutum wanda yake dealer ne na sayar da motoci a wajen sana'ar sa (car stand) sai suka yi cinikin wata mota Camry, akan kimanin kudi naira miliyan biyar.

Sai suka karbi Account number dinsa akan zasu yi masa transfer na kudin, sai ga naira miliyan uku sun shigo Account din dealer din, akan zasu ciko masa sauran kudin daga baya.
Bayan wani lokaci sai suka zo suka bashi hakuri akan ba zasu iya sayen motar ba, saboda rashin kudin da zasu cika, sai suka ce to ya basu miliyan biyu da dubu dari biyar, sun bashi saura naira budu dari biyar din saboda dawainiyar da yayi musu. Wannan mutum yana murna ya samu na banza.

Bayan kwana uku yana zaune a car stand dinsa sai ga Jami'an anti kidnapping da anti SARS sunzo suna tambayar sa ko shine aka tura masa miliyan uku yace ehh? Kuma shi bai san su ba, bai taba ganin su ba.

To wata hanya ce ta yan kidnappers da suke yi wajen amsar kudin fansa (ransom) daga yan uwan Wadan da suka kama (victims)
Dan ALLAH a yada wannan a sanar da yan uwa ayi yekuwa a masallatai da dukkan wurare dama gidajen radio, makarantu.

Haka nan kada ku yarda koda dan uwan ka ne ya nemi ka bashi Account number sai ka bincike shi, kuma idan wani amini gare ka ya bukaci zai tura maka kudi ko za'a tura masa kudi, idan kaga kudi ne masu yawa to kuyi rahoto a ofishin yan sanda mafi kusa domin kada wani tarko ne baku sani ba.
Idan da hali ka turawa wasu groups dan su fadaka.
ALLAH Ya karemu." Aameen
Daga. Zauren fiqhus Sunnah

ABINDA YA KAMATA MUYI A DUK LOKACIN DA MASIFA TA SAME MU

ABINDA YA KAMATA MUYI A DUK LOKACIN DA MASIFA TA SAME MU

UMMU SALMA (R.Ah), tafada cewa, wata rana Abu Salma ya dawo gida daga majalisin Annabi (S.A.Ws) sai ya koyamin wata magana dayaji daga bakin ANNABI (S.A.Ws), maganar data matukar farantamin rai sosai.

 Yace dani: "Annabi (S.A.Ws) yace: "Idan wata musiba tasamu mumini sannan yayi istirja'i wato yace, 'Innalillahi wa inna ilaihir raji'un',sannan kuma ya hada da wannan addu'ar yace: "Ya Allah Kabani lada akan wannan musiba data sameni, Ka bani abinda yafi alheri daga wanda na rasa." Idan mutum yayi haka Allah (Swt) zai amsa masa addu'arsa.

Ummu Salma taci gaba da bada labari akan cewa: Sai na kiyaye wannan magana da mijina ya fadamin, da Allah Yayi masa rasuwa bayan nayi istirja'i, sai nayi wannan addu'a.

Ina kammala wannan addu'ar sai nace acikin zuciyata: oh! Ko ina zansamu mijin dayafi Abu Salma?

Wata rana bayan nagama takaba, sai Manzon Allah (S.A.Ws), yazo gidana yayi sallama. A lokacin ina jeme wata fata, sai nayi wuf na tashi na kimtsa sannan nace masa ya shigo.

Lokacin daya shigo na bashi wani pillow wanda cike yake da ganyen dabino sai ya zauna akai. Bayan mun gaisa sai ya bayyana mini cewa yana bukatar ya aureni.

Daya gama maganarsa sai na ce masa: Ya Rasoulullahi (S.A.Ws) bani da ta cewa indai kana sona, Amman inada kishi mai tsanani kada kaga wani abu daga gareni wanda Allah zai min azaba akanshi. Sannan kuma na tsufa kuma inada nauyi akaina (na 'ya'ya).

Da na gama bayani na sai MANZON ALLAH (S.A.Ws) yace; "Batun cewa kin fara tsufa ai nima hakan take, batun nauyin iyali kuma, ai nauyinki dana iyalinki duka akaina suke". Ina jin haka sai nace: "Ya Rasulullahi na sallamar".

Daga nannne MANZON ALLAH (S.A.Ws) ya aureta ta zama matarsa. Allah ya musanya mata Abu Salma da Mafi daukaka da daraja a doron kasa.

Sannan Uwar Muminai Nana Aisha (RA) tace, wata rana muna a cikin dare muna tare da Annabi (S.A.Ws), a cikin daki na Sai fitila ta dauke.

Nan take Naji Annabi (Saww) Yace, "Innalillahi Wa'Inna ilaihin Raji'Un" Sai nace, "Ya Rasulillahi Ina ce sai Abin bakin Ciki ya samu bawa zaiyi istirja'i." Sai Yace dani, "Yake Aisha Hakika duk abinda ya batawa bawa Rai ya kamata yayi istirja'i."

Ya Allah Ka taimake mu da Taimakonka a duk lokacin da wata musiba ta same mu mu zamo masu hakuri.

Babu Shakka Idan ka turawa Wani Wannan tunatarwa a duk lokacin da wata masifa ta same shi ya tuna yayi istirja'i to zaka samu lada koda baka duniyarnan. Daure ka turawa Wasu.

3. TAKATACCEN TARIHIN UMMU KULTHUM (R.Ah) YAR ANNABI (S.A.Ws)

3. TAKATACCEN TARIHIN UMMU KULTHUM (R.Ah) YAR ANNABI (S.A.Ws)

Ita ce 'yar Annabi (S.A.Ws) ta uku daga cikin 'ya'yansa mata. Ta

auri Utaibah dan Abu Lahab, amma a lokacin ba su fara zama ba, lokacin da Utaibah ya sake ta bayan saukar da Sura Al-Lahab (watau Tabbat-Yada) kamar yadda aka riga aka ambata a baya. Bayan ya sake ta sai Utaibah ya zo wajen Manzon Allah (S.A.Ws) yana yi mishi rashin kunya.

Annabi (S.A.Ws) ya la'ance shi ya yi addu'a kamar haka:
Ya Allah Ta'ala! Ka hada shi da daya daga cikin karnukanka, don ya azabtar da shi.
Abu Talib wanda bai Musulunta ba, ya kadu da jin wannan la'anar, don haka sai ya ce da Utaibah:
Kai shi ke nan! Babu makawa, kashinka ya bushe.

Wata rana Utaibah yana tafiya tare da Abu Lahab cikin wata tawaga da za ta je Sham (Siriya), sai Abu Lahab duk da kafircinsa ya ce da jama'a:
Ni fa ina gudun la'anar Muhammadu. Don haka kowa ya lura da dana. Sun kuwa yada zango a wani wuri da yake da zakuna.

Jama'a duk sai suka yi lodin kayansu wuri daya, sa'annan suka sanya Utaibah ya kwanta saman kayan, kana su kuma sauran jama'a suka kewaye kayan. Zaki ya lallo6o cikin dare, inda ya sunsuna duk jama'ar da suke kwance jikin kayan. Daga nan sai ya tsallake jama'a inda ya hau sama wurin da Utaibah ke kwance. Da ya isa sai Utaibah ya yi ihu. Amma Ina! Kafin ka ce uffan, ya raba kansa da jikinsa.

Don haka wannan wata ishara ce gare mu, ya kamata lallai mu guji sa6awa bayin da Allah Ta'ala ke kauna. Annabi ya ruwaito cikin Hadisil-Kudusi, inda Allah Ta'ala ke cewa:
Duk wanda ke gaba da masoyina, zan shirya yaki da shi.

Bayan rasuwar Rukayyah (R.Ah), an sake auradda Ummu Kulthum (R.Ah) ga Sayyadina Uthman (R.A) a cikin watan Rabi'ul Awwal, shekara ta 3, bayan Hijirah.
Annabi (S.A.Ws) na cewa:
Na bayar da UMMU Kulthum aure ga Uthman bisa ga Umarnin Allah Ta'ala.

Ta rasu a cikin Watan Sha'aban na shekara ta 9, bayan Hijirah, ba tare da samun haihuwa ba. Bayan rasuwar ta an ji Manzon Allah (S.A.Ws) yana cewa;
Da ina da 'ya'ya mata 100, zan iya bayar da su aure ga Uthman (R.A) (daya bayan daya)

Insha Allahu rubutu na gaba akan Fatimah (R.Ah) yar Annabi (S.A.Ws) amma kafinnan zan dan yi rubutu akan wani al'amari da yake so ya haifar da barazana ga tsaron Nigeria. Muna kuma rokon Allah Ta'ala Ya gafarta mana kurakuranmu ya kuma sa Aljannar Firdausi itace makomarMu baki daya. Aameen ya Qadiyal Haajah.

IDANU UKKU BAZASU KUKA BA

IDANU UKKU BAZASU KUKA BA

A ranar kiyama, dukkan idanuwa za su yi kuka, in banda guda uku: Idon da yaki barci don gadin musulmai (dukiyoyinsu, kasarsu da dai sauransu), saboda Allah;

Sanan Idon da ya yi kuka don tsoron Allah; da kuma idon da aka rufe shi daga kallon abubuwan da Allah Ya haramta.

Ya Allah muna  tawassili da sunayenka da siffofinka muna kuma kamun kafa da fiyayyen halitta Annabin rahama (S.A.Ws), muna kuma tawassili da wannan azumi da mukeyi domin neman kariyarka dama duk wani ibada da mukayi wacce ka yarda da ita,

 Ya Allah kafimu sanin Abinda ke faruwa akasarmu, ya Allah ka yaye mana wannan masifa da ke addabarmu ba dan HALINMU ba, ya Allah dukkan mai hanu acikin wannan al'amar,i idan ba mai shiryuwa bane ya Allah Ka maida kaidinsa garesa Ka nesantashi daga garemu Ka Karemu da Kariyarka Ka bamu lafiya da zama lafiya da abinda lafiya zata ci
Ya Allah Ka Sa Mu dace da dacewarka ka tsaremu da Azabarka. Ãmīn ya Qādiyal Hājah

https://ahmadmusainc.blogspot.com/?m=1

BAMA GOYON BAYAN ADAKATAR DA ALMAJIRANCI, AMMA MUNA GOYON BAYAN ADAKATAR DA BARA.

BAMA GOYON BAYAN ADAKATAR DA ALMAJIRANCI, AMMA MUNA GOYON BAYAN ADAKATAR DA BARA. Repost

Daga Ahmad Musa

Duk mutumin da ya bar inda yake da zama ya tafi wani guri domin neman iilmi sunan shi Almajiri, kalmar Almajiri ya samo asali ne daga Almuhajir (wanda ya bar inda yake yakoma wani guri domin neman yardar Allah)
Saboda haka bama goyon bayan adakatar da Almajiranci, domin dakatar dashi tamkar fada da addini ne

Idan kuma har yunkurin Gwamnati na ta dakatar da Bara ne ba Almajiranci ba (Karatun Allo) muna goyon bayan haka saboda Bara kaskanci ne Bara ba addini ba ne  kuma  Sahabban annabi basuyi  bara ba kuma Almuhajirun basuje Habasha ko Madina sunyi  bara ba

Addinin Musulunci addini ne mai girma bai kamata duk matsayin da addinin yake dashi ace ana neman iliminsa cikin halin tozarta da wulakanci ba. Gaskiya sam bai kamata irin matsayin da AlQur'ani yake dashi ace ananeman iliminsa cikin halin tozarci ba saboda haka muna goyon baya da adakatar da Bara.

Ya kamata iyayen yara idan zasu tura yaransu karatun allo (Almajiranci) su turasu da sutura da abinda zasu ci fiye da yadda suke yi idan zasu turasu makarantun boko.

Daga karshe muna rokon Allah ya bamu Ilimi mai amfani. Ameen

4. TAKATACCEN TARIHIN FATIMAH (R.Ah) YAR ANNABI (S.A.Ws)

4. TAKATACCEN TARIHIN FATIMAH (R.Ah) YAR ANNABI (S.A.Ws)

Fatima (R.Ah) ita ce 'yar sa ta hudu, kuma 'yar autar Annabi (S.A.WS). Kuma ita zata kasance shugaban matan Aljannah. An haife ta a farkon saukar wahayi, watau a lokacin yana da shekara 41. An ce wannan suna na Fatimah (wanda ma'anarsa kusan itace, (ta tsira daga wuta). Allah Ta'ala ne ya saukar dashi.

An aurar da ita ga Sayyadina Ali (R.A) a shekara ta 2 bayan Hijirah, kuma an ce ta fara zama da shi watanni bakwai da rabi bayan daurin auren. A lokacin da aka yi aurensu, tana da kusan shekaru 15, shi kuma Ali yana da wajen shekaru 21. Duk daga cikin 'ya'yansa mata. Kusan Annabi (S.A.Ws) ya fi nuna mata kauna; a duk lokacin da zai tafi wani bulaguro kusan ita ce ta karshe da suke rabuwa, idan kuma ya komo ita ce ta farko da suke saduwa.

An ce kamar watanni 6 bayan fakuwar Annabi (S.A.Ws), sai Fatimah ta kamu da rashin lafiya. Wata rana ta ce da baiwarta:
Ina son in yi wanka. Ki kawo mini ruwa.

Sai tayi wanka, ta canza katayyakinta. Sai kuma ta ce a kaimata gadonta tsakiyar daki. Daga nan sai ta kwanta akan gadon tana fiskantar al-kiblah, kana ta sanya hannunta na dama karkashin har6arta ta dama, daga nan kuma sai ta ce:
Yanzu zan rasu.

Kan ka ce Kwabo! Ta riga ta cika. Tana da 'ya'ya maza guda uku da mata uku. An haifi Hassan da Hussain (R.Anh) a shekara ta biyu da ta uku bayan aurensu. Muhassan (R.A) dansu na uku, an haife shi ne a shekara ta hudu bayan Hijirah. Amma ya rasu tun yana dan yaro. Ita kuma Rukayyah wadda ita ce 'yar su ta farko, ta rasu tana jaririya, don haka shi ya sa ba a ambace ta ba sosai a tarihi. Sai kuma 'yar su ta biyu Ummu Kulthum da kuma 'yar su ta uku Zainab.

Insha Allahu rubutu na gaba shi ne: Mata da ya Haramta mu aura. Muna kuma rokon Allah Ta'ala Ya gafarta mana kurakuranmu ya kuma sa Aljannar Firdausi itace makomarMu baki daya. Aameen ya Qadiyal Haajah.

Assalamu alaikum warahamatullah wa barakatuhu

Wannan don sanar da daukacin al'ummar musulmi a ciki da wajen Najeriya cewa, Litinin 24 ga Fabrairu 2020 an kebe don yin azumi da addu’o’i na musamman don kawo karshen ta’addancin Boko Haram.

Gwamnan jihar Borno ya ayyana hutun ranar Litinin don yin addu'o'i na musamman tare da neman taimakon Allah don murkushe mugayen sojojin kungiyar Boko Haram.

Ya Allah kaine mai ikon sarrafa komai kuma masani akan kowa da komai, ya Allah ka kawo mana karshen wannan masifa da ta addabemu,ka bamu lafiya da zama lafiya da abinda lafiya zata ci. Ãmīn ya Qādiyal Hājah.

Da fatan za a watsa ta matsakaiciyar don Allah

https://ahmadmusainc.blogspot.com/?m=1

BABU MAI IRIN BAIWAR ANNABI (S.A.Ws)

Sayyidina Umar (rta) yana cewa: Mun fita zuwa Yakin Tabuka tare da Manzon Allah (saww), a lokacin da ake cikin tsananin zafi mai kuna, mun ya da zango a wani wuri, kishi ruwa ya dame mu.

Mutum yakan fita don ya nemi ruwa, kafin ya dawo sai ya ji makogoransa kamar ya tsattsage, wasu sukan yanka rakumi su ciro tumbinsa su sha ruwan.

Sai Sayyidina Abubakar (rta) yace: Ya Manzon Allah (S.A.Ws)! Muna rokon ka da kayi mana addu’a.

Sai Ma’aikin Allah (S.A.Ws) ya daga hannayensa sama yana addu'a, ai kuwa kafin ya sauke hannayensa masu daraja, sararin samaniya ya
canja, hadari ya hado, ruwa ya tsinke, mutane suka sha suka cika abubuwan da ke tare da su.

Daga nan muka duba sai muka ga ruwan a iya inda muke kadai aka yi shi. (A duba aTafsirin Dabri: 14/541, Ibn Hibban: hadisi mai lamba1707, Hakim: juz'i na1/159 ya kuma inganta shi da shi da Ibn Kathir).

Yaa Allah ka karawa Annabi (S.A.Ws) daraja

SHIN KO KA KASANCE ACIKINSU

SHIN KO KA KASAN CE ACIKINSU?

An rawaito daga Hadisin farju bn Farralata, daga Abu Jablatu, daga Saidu bn Musayyib, daga Abudur Rahman dan Samrata (RA) Yace; Wata Rana manzon Allah (saww) ya fito zuwa gare mu, mu kuma muna zaune. Sai yace mana, lallai ni jiya naga abin mamaki!

Yace naga wani mutum daga cikin alummata, wanda yake mala'ikan mutuwa yazo masa don ya karbi Ransa, sai ga kuma biyayyar da ya ke yiwa iyayansa, sai Allah (swt) ya hana wannan mala'ikan mutuwa daukar ransa.

Kuma naga wani mutun shaidanu (Aljannu) sun kewaye shi,kawai sai ga zikirinsa da yakeyi yazo sai shaidanun nan suka tsere daga wannan mutum.

Naga wani mutum daga cikin alummata, hakika mala'ikkun azaba sun kewayeshi, sai kawai ga Sallar sa, sai wadannan kayan azaba dake hannun wadannan mala'ikkun yazama babu su.

Naga wani mutum daga cikin alummata, yana ta zaro harshe saboda tsananin jin kishin da yake ji, amma duk sanda ya matso wajan shan ruwa sai a koreshi, a hanashi, sai ga Azumin sa yazo
ya shayar dashi, ya kosar dashi.

Naga wani mutum daga cikin alummata, kuma naga Annabawa, a zaune ga sunan wasu bayan wasu, amma daya kusanto sai a koreshi, ahanashi zuwa wajen, amma kawai sai ga wankan shi na janaba yazo, sai ya kama hannunsa ya zaunar dashi gefen wadannan Annabawa din.

Naga wani mutum daga cikin al'ummata, gabansa, da bayansa duhu, gefan hagu dana dama duhu, kai hatta saman sa ma duhu ne,gashi kuma ya dumaice acikin wannan duhu, kawai sai ga Hajjin sa da ummarar sa suka fitar dashi daga cikin wannan duhun, suka kuma shigar dashi cikin Haske.

Naga wani mutum daga cikin alummata, yana jin tsoron wuta, da kuma harshen ta, da sharrinta, sai ga gaskiyar sa tazo, sai ta zama garkuwa tsakaninsa da wannan
wutar, kuma tayi masa inuwa asaman kansa.

Naga wani mutum daga cikin alummata, yana yiwa muminai magana, amma su kuma basa yi masa maganar, sai ga sadar da
zumuncinsa yazo, yace ya sanar da musulmai lallai shiya kasance yana sadar da zumunci, kuyi masa magana mana, kawai sai suka yi masa magana suka gaisa dashi shima ya gaisa dasu.

Naga wani mutum daga cikin al'ummata wanda yake mala'ikkun wuta zabbaniyawa sun kewaye shi, sai ga umarni da kyawawa da ya keyi, da kuma hani ga mummuna da ya keyi sunzo kawai sai ya zama wannan kayan azabar na hannun su babusu, sai Allah ya shigar dashi cikin mala'ikkun rahama.

A Duba a cikin littafin ARRUH.

Shin ko ka kasance Kana Aikata wayannan abubuwan? Hakika idan baka Cikin masu aikatawa maza ka gyara domin ka samu kasancewa a cikinsu.

Ya Allah ka sa mu dage akan Yin Ayukka na Kwarai da Nagarta. Kuma ka kar6a mana ayyukan mu

Ka liking wannan link domin samun ingan tattun bayanai gameda addinin Musulunci.Ãmīn

.https://ahmadmusainc.blogspot.com/2020/02/shafin-wayr-da-kan-al-ummah.html?m=1

TAKAITACCEN TARIHIN 'YA'YAN ANNABI (S.A.Ws), MATA:

TAKAITACCEN TARIHIN 'YA'YAN ANNABI (S.A.Ws), MATA:

1. Zainab (R.Ah) Ita ce babbar 'yar Annabi (S.A.Ws), kuma an haifeta shekaru biyar bayan aurensa na farko, lokacin yana da shekaru talatin a duniya. Ta kar6i Musulunci kuma an aurad da ita ga wani danginta Abul As bin Rabi. Tasha doguwar wahala sanadin rauni da Kuraishawa suka mata lokacin Hijirarta zuwa Madinah, wanda shi ne ya yi sanadin rasuwarta a farkon shekara ta 8, bayan Hijirah.

Ta haifi da mai suna Ali (R.A), da kuma diya mai suna Ammah. Ali ya rasu a zamanin Annabi (S.A.Ws). An ce wannan Alin shi ne mutumin da ya zauna a kuturin Annabi (S.A.Ws) a lokacin shigarsa Makkah, cikin nasara.

Mukan karanta cikin Hadisi kan cewar, wata yarinya ta kan hau bayan Annabi (S.A.Ws) a lokacin da yake Sujudah cikin Sallah; to wannan yarinyar dai ita ce Ammah 'yar gidan Zainab (R.Ah). An ce ta jima a duniya bayan rasuwar Annabi (S.A.Ws).

Sayyidina Ali (R.A) ya aure ta bayan rasuwar Fatimah (R.Ah), matarsa ta farko. An ce ita Fatimah da kanta a lokacin rasuwarta, ta nuna kaunar wannan auren ya auku. Basu haifu ba da Sayyidina Ali (R.A). Bayan da Sayyidina Ali (R.A) ya rasu, sai kuma ta sake auren Mughirah bin Naufal (R.A), wanda daga gareshi ne a ke jin kila ta samu wani da da ake kira Yahya. Ta rasu a shekara ta 50 bayan Hijirah.

Insha Allahu rubutu na gaba akan Rukayyah (R.Ah) 'yar Annabi (S.A.Ws). Muna kuma rokon Allah maji rokon bayi ya gafarta mana kurakuranmu ya kuma sa Aljannar Firdausi itace makomarMu baki daya. Aameen ya Qadiyal Haajah

YADDA AKE MAGANCE MATSANANCIN FUSHI CIKIN SAUKI

YADDA AKE MAGANCE MATSANANCIN FUSHI CIKIN SAUKI

Wannan rubutun fa'ida ce ga masu fama da Matsanancin fushi.

ATIYAH (R.Ah) ta ce, MANZON ALLAH (S.A.Ws) Yace, "Lalle hakika fushi na zuwa daga Shaidan (LA), kuma Shaidan anyi shi ne daga wuta.

Lalle makashin Wuta shine, Ruwa. Don haka idan dayannku ya yi fushi ya sanyaya shi da yin Alwala.

Imam Abu Dawoud Ya Ruwaito shi Hadisi na 4784.

Ya Allah Kasa Mu dace Duniya da Lahira.